Hierdie vinnige verwysing help opvoeders om leerderpunte op die d6-platform in te lees, te verifieer en uit te voer.

My Skool > Mense: Leerders > Leerderpunte > Punte per Groep

Hoe kry ek toegang?

Jou administrateur moet jou insleutel regte gee by My Skool > Stelsel > Kurrikulum > Kurrikulum Opstelling > Insleutel Regte. As jy as Vakgroeponderwyser (blou) of Vakhoof (pienk) aangewys is, ken die stelsel outomaties regte toe. Andersins voeg jou admin jou handmatig by. As jy nie die punteskerm kan sien nie, vra jou skool se supergebruiker (Die persoon wat met die gebruikersnaam: Superuser inteken) om te kyk of jy Besigtig en Wysig-regte het vir module 2.2 Leerder Punte.

Hoe lees ek punte in?

1. Kies die Jaar en Kwartaal.

2. Kies jou Graad en Vak.

3. Kies die invoervlak: Rooi = vakvlak, Oranje = taakvlak, Groen = assesseringsvlak.

4. Klik Lees punte in en kies jou Vakgroep.

5. Tik elke punt in en druk Tab of Enter. 'n Groen blokkie beteken dit is gestoor.

6. Wanneer jy 'n totaal in hakkies sien soos (137), is jy klaar.

Handige knoppies

• = knoppie: Herbereken (selde nodig, d6 stoor outomaties).

• a knoppie: Vul afwesig in vir alle leerders sonder punte.

• x knoppie: Verwyder ALLE punte vir die groep. Gebruik met groot sorg.

Meer as een punt per assessering nodig? Klik die groen +-knoppie om Punt 2, Punt 3 ens. by te voeg. d6 bereken outomaties die gemiddeld. Om 'n bestaande punt te wysig, klik daarop, tik die nuwe waarde en druk Tab.

Hoe kontroleer ek my werk?

Gebruik die Puntestate by Verslae > Leerders > Punte en Prestasies > Puntestaat:

• Ingeleesde Punte Kontrolestaat: Identifiseer ontbrekende data.

• Berekende Puntestaat: Wys Assesserings, Met Lee, Punt uit, Rou of Geweegde punte. Kan kies of jy dit per Vakgroep wil sien. Verifieer finale persentasies.

• Gedetaileerde Puntestaat: Per-leerder uiteensetting. Beste vir ouernavrae. Ook die beste om te sien hoe die eindpunt vir die vak bereken is.

• Vakpuntestaat: Gekonsolideerde finale punte per leerder.

• Werkspuntestaat (Excel): Voer uit na Excel vir Departementele voorleggings.

Hoe voer ek na Excel uit?

Navigeer na My Skool > Mense: Leerders > Leerderpunte: Voer Punte en Statistieke Uit. Kies die Akademiese Jaar, Fase en leerdertipe, klik dan Voer Uit. Die Excel-leer laai outomaties af.

Hoe genereer ek Rapportkaarte?

1. Gaan na Verslae > Leerders > Punte en Prestasies > Rapporte.

2. Kies jou Rapport Templaat, Jaar, Kwartaal en Kurrikulum.

3. Kies die Taal en vir wie om te druk.

4. Klik Genereer Rapporte om 'n PDF te kry.

Vir jaareind-rapporte, kies altyd Promosiepunt in plaas van Kwartaal 4-resultate. Om rapporte aan ouers te e-pos, klik E-pos Rapporte onderaan (vereis die e-pos vrystellingsreg).

Hoe kyk ek wie 'n punt verander het?

Gebruik die Puntegeskiedenis by My Skool > Stelsel > Kurrikulum > Kurrikulum Opstelling > Puntegeskiedenis. Filtreer volgens jaar, graad, vak, assessering en datumreeks. Klik Trek besonderhede om elke Invoeg, Opdateer en Verwyder met tydstempels en personeelname te sien. Volledige weergawegeskiedenis is beskikbaar vir inskrywings na 27 Oktober 2023.

Gereelde vrae

Hoe weet ek my punte is gestoor?

'n Groen blokkie verskyn langs elke punt soos jy dit invoer, en die totaal in hakkies (bv. (137)) is sigbaar langs die vak.

Hoekom kan ek nie die Inlees regte-skerm sien nie?

Jy het waarskynlik nie Inslees regte nie. Vra jou skool se supergebruiker (Die persoon wat met die gebruikersnaam: Superuser inteken) om te kyk of jy Besigtig en Wysig-regte het vir module 2.2 Leerder Punte en dat jy aan die korrekte vakgroep gekoppel is.

Hoekom verskil die rou punt van die finale persentasie?

Verskille is gewoonlik weens gewig-konfigurasies. Gebruik die Gedetaileerde Puntestaat om die berekening na te gaan.

Kan ek punte vir Geslote Kwartale verander?

Nee. Punte vir geslote Kwartale kan nie gewysig word nie. Jy kan dit steeds besigtig en daaroor verslag doen vir historiese akkuraatheid.

Hoekom moet ek Promosiepunt kies vir jaareind-rapporte?

Termynresultate pas nie die statutere gewigte toe wat vir bevordering vereis word nie. Promosiepunt gebruik die korrekte formules vir die finale jaareind-uitslag, insluitend alle termynassesserings, en nie net een termyn nie.