Gebruik hierdie funksie om te bestuur wie toegang het tot spesifieke modules in d6 Connect, insluitend hulpbronne, kalendergebeure en huiswerk. Dit beperk nie gebruikers om d6 Connect-nuusitems te stuur nie. Die Programregte-Administrateur (Superuser) kan kommunikasieregte toeken. 'n Personeellid wat as Kommunikasie-Administrateur aangestel is, kan ook regte aan ander personeellede toeken.

My Skool > Kommunikasie > Bestuur Kommunikasieregte

Hoe ken ek kommunikasieregte aan 'n personeellid toe?

1. Gaan na My Skool > Personeel > Personeel en redigeer die betrokke personeellid se profiel.

2. Kies in Kommunikasie regte inligting die relevante kommunikasie rolle (sien rolle hieronder).

3. Kies Ja by Mag d6 Connect en d6 gebruik om die gebruiker in staat te stel om nuusitems te stuur.

4. In Program regte inligting: kies Besigtig en Wysig vir Bestuur kommunikasiekanale en kommunikasiekategorie en Bestuur kontakpersone.

5. Klik Stoor.

Wat is die vier kommunikasie rolle?

• Administrateur: Kan alle aksies uitvoer (behalwe stelsel-toegang toekenning, wat slegs die Superuser se verantwoordelikheid is). Het toegang tot alle kanale, huiswerk en kalenders. Kan rolle aan ander toeken.

• Moderator: Kan alles wat 'n Administrateur kan, behalwe gebruikers of rolle bestuur of kanale/kalenders byvoeg. Kan ongepubliseerde inhoud publiseer. Kan opvoeders toewys aan kalenders en kanale.

• Redakteur: Kan eie bronne en kalendergebeure skep, redigeer en publiseer.

• Outeur: Kan inhoud (bronne en kalendergebeure) skep, maar nie publiseer nie. Inhoud moet deur 'n Moderator of Administrateur gepubliseer word.

Hoe stel ek kanaal- en inhoudsregte in?

By Bestuur Kommunikasie Toegangsregte:

1. Kies die relevante personeellid se naam uit die aftreklys.

2. Kies die Kommunikasie rol. Indien Administrateur gekies word, word alle inhoudsblokkies outomaties gemerk.

3. Vir Outeur/Redakteur/Moderator: koppel die gebruiker aan spesifieke Hulpbronne (kanale), Huiswerk (grade, leerprogramme, vakke) en Kalenders.

Let op: Indien 'n gebruiker Huiswerkregte vir 'n vakgroep ontvang, ontvang hy/sy outomaties ook Punte inleesregte vir dieselfde vakgroep. As dit nie gewens is nie, verwyder die vakgroep by My Skool > Kurrikulum > Punte Inleesregte.

Gereelde vrae

Wie kan kommunikasieregte toeken?

Die Superuser (Programregte-Administrateur) kan altyd kommunikasieregte toeken. 'n Personeellid wat as Kommunikasie-Administrateur aangestel is, kan ook regte aan ander personeellede toeken.

Wat gebeur as 'n personeellid Besigtig en Wysig-regte ontvang vir die bestuur van kommunikasiekanale?

Indien 'n persoon Besigtig en Wysig-regte het by Bestuur kommunikasiekanale en kommunikasiekategorie, word Administrateur Kommunikasieregte outomaties toegeken aan daardie persoon.

Wat is die verskil tussen Outeur en Redakteur?

Beide kan inhoud skep, maar 'n Redakteur kan sy/haar eie inhoud ook self publiseer, terwyl 'n Outeur se inhoud eers deur 'n Moderator of Administrateur goedgekeur moet word voor publikasie.