Skool Kategorieë en Aktiwiteite word gebruik om verskillende prestasies te groepeer. Hierdie artikel verduidelik hoe om nuwe aktiwiteite by te voeg, bestaande aktiwiteite te verander, en die volgorde op gedrukte sertifikate te stel.

My Skool > Stelsel > Prestasies > Skool Aktiwiteite

Wat is die Prestasiekategorieë?

Skool Aktiwiteite kan volgens status vertoon word: Aktief, Onaktief, en/of Verwyder. Daar is vyf hoofkategorieë wat nie aangepas kan word nie:

• Akademie

• Sport

• Kultuur

• Leierskap

• Ander

• Akademiese sertifikate word slegs gebruik vir aktiwiteite onder die kategorie Akademies. Hierdie sertifikate word outomaties toegeken na gelang van leerders se punte, gebasseer op reëls wat deur die gebruiker opgestel word.

• Nie-akademiese sertifikate word gebruik onder kategorieë soos Sport, Kultuur, Leierskap en Ander. Toekennings word per hand gedoen en leerders se punte word nie in aanmerking geneem nie.

Hoe voeg ek 'n nuwe aktiwiteit by?

Sekere aktiwiteite is reeds beskikbaar, maar nuwes kan bygevoeg word. Maak seker dat ten minste een aktiwiteit per kategorie bestaan sodat dit later in die proses gebruik kan word.

1. Klik die Skep nuwe-knoppie.

2. Kies die prestasiekategorie.

3. Sleutel die aktiwiteit naam in vir beide Afrikaans en Engels.

4. Dui die aktiwiteit volgorde aan. Dit posisioneer die aktiwiteit in die lys en bepaal die druk-volgorde op sertifikate.

5. Klik Stoor.

Hoe verander of verwyder ek 'n aktiwiteit?

1. Kies die prestasiekategorie.

2. Kies die aktiwiteit wat verander moet word deur daarop te dubbelklik.

3. Bring die nodige veranderings aan en klik stoor.

• Status Onaktief: behou die aktiwiteit in die stelsel vir latere heraktivering.

• Status Geskrap: verwyder die aktiwiteit van die stelsel permanent.

Hoe stel ek die volgorde op gedrukte sertifikate in?

Dui die gewenste volgorde aan in die Skoolaktiwiteit volgorde-veld by elke aktiwiteit. Dit bepaal die volgorde waarin aktiwiteite op gedrukte sertifikate verskyn.

Gereelde vrae

Kan ek 'n prestasiekategorie wysig of verwyder?

Nee. Die vyf hoofkategorieë (Akademie, Sport, Kultuur, Leierskap en Ander) is vaste kategorieë in die stelsel en kan nie verander of verwyder word nie.

Wat is die verskil tussen 'n akademiese en nie-akademiese toekenning?

Akademiese toekennings word outomaties toegeken op grond van leerders se punte en reëls wat opgestel is. Nie-akademiese toekennings (Sport, Kultuur, Leierskap, Ander) word per hand toegeken en leerders se punte speel geen rol nie.

Kan ek 'n geskrapte aktiwiteit herstel?

Nee. 'n Aktiwiteit met die status Geskrap word permanent van die stelsel verwyder en kan nie herstel word nie. Gebruik eerder die status Onaktief as u die aktiwiteit tydelik wil deaktiveer.

Hoekom moet ek 'n aktiwiteit in beide Afrikaans en Engels invoer?

Die stelsel is tweetalig. Deur die aktiwiteit naam in beide tale in te voer, verseker u dat dit korrek verskyn ongeag in watter taal die sertifikaat of verslag gegenereer word.

Hoeveel aktiwiteite kan ek per kategorie byvoeg?

Daar is geen vaste limiet nie. U kan soveel aktiwiteite byvoeg as wat nodig is. Maak seker dat ten minste een aktiwiteit per kategorie beskikbaar is sodat sertifikate en prestasies korrek aan kategorieë gekoppel kan word.