Hoe om betalings te maak

• Kliek op die "maak betaling" knoppie
  
• Kies of dit 'n direkte betaling is of 'n krediteur betaling is deur op die af-pyltjie te kliek. Let wel dat krediteur betalings slegs gekies kan word as die skool van die krediteure opsie gebruik maak en daar wel 'n krediteur geskep is
• Kies die "tipe betaling" deur te kliek op die af pyltjie. Die moontlike keuses sluit in: a. Indien die geld direk op die stelsel inbetaal is moet die "stelsel" opsie gekies word. b. Indien jy ‘n bankstaat ontvang met die betaling op, moet die "bankstaat"opsie gekies word.
  
• Die "datum" wanneer jy die betaling doen sal outomaties die huidige dag se datum toon. Indien jy aan die datum wil verander, kliek op die af pyltjies.
  
• Die "begunstigde" is die persoon aan wie die betaling gemaak word.. Indien dit ‘n nuwe begunstigde is, moet die "nuwe begunstigde" opsie gekies word. Indien dit nie ‘n nuwe begunstigde is nie, kan daar op die af pyltjie gekliek word en die lys van die begunstigdes sal vertoon word.
  
• "Vanaf bankrekening" Kies die rekening waaruit jy die betaling wil maak. Sodra jy die relevante rekening kies, sal die "betalingstipe" outomaties aangepas word soos nodig.
  
• "Betalingstipe" Die manier hoe die betaling gedoen word moet getoon word. Jy kan kies tussen debietorder, elektronies, tjek of aftrekorder.
  
• Die "betalingsnommer" sal outomaties deur die stelsel toegeken word.
  
• Die "totale bedrag" wat betaal word moet ingevul word.
  
• ‘n "Beskrywing" moet gegee word vir die rede van die betaling.
  
• "REKENING/PROJEK ITEMS": Die projek of rekening waarvoor die betaling gedoen is, moet gekies word deur te kliek op die af pyltjie.
  
• Tik 'n "bedrag" in die beskikbare blok.
  
• Tik 'n "beskrywing" in die beskikbare blok.
  
• Indien daar meer as een projek of rekening is waarvoor jy ‘n betaling wil doen, kan jy op die "voeg lyn by" knoppie kliek en nog ‘n lyn sal bygevoeg word.
  
• Indien daar te veel lyne is, kliek op die blokkie langs die nommer en dan op die "vee lyne uit" blokkie . Die lyn sal nou verwyder word.
  

Hoe om 'n betaling te soek

• Kies die relevante "rekeningnommer" of "rekeningnaam", deur te kliek op die af pyltjie.
  
• Kies die "betalingsdatum".
  
• Kliek op die sirkel om die relevante rekeningnommer te kies.
  
• Kliek op die "besigtig" knoppie.
  
• Die stelsel sal dan die relevante betaling opbring waar jy dit kan besigtig of anders druk deur weer op die "besigtig" knoppie te druk. As jy weer op die "besigtig" knoppie druk sal die stelsel die betaling in pdf genereer wat jy dan kan druk.
  

Vrae Beantwoord

Hoe korrigeer ek ‘n transaksie wat per ongeluk na die verkeerde GB rekening geallokeer is met ‘n Betaling?

• Skep en pos ‘n Joernaal van die foutiewe geallokeerde GB rekening na die korrekte GB rekening toe.
  

1. By voorbeeld:  Die Skool betaal hul Bankkostes. Dus word die Bankrekening GEKREDITEER, maar instede van die Bankkostes rekening, word die Skryfbehoeftes rekening per abuis GEDEBITEER. Om die foutiewe allokasie te korrigeer, skep ‘n JOERNAAL waar u die Skryfbehoeftes rekening  KREDITEER en die Bankkostes DEBITEER.  Sodra u die skep van die joernaal voltooi het, kan u die joernaal pos. Sodoende sal die nodige veranderinge op die betrokke GB rekeninge reflekteer (SKryfbehoeftes en Bankkostes).
   

• Reik 'n kwitansie uit op die datum en na die rekening toe van die betaling om dit te kanseleer en maak dan die regte betaling uit.